Fotografia  që shikoni  është  memorizuar në  kujtesën e shumë  qytetarëve amerikanë. Nuk është  foto e dy të  dashuruarve të mbërthyer në  një  puthje pasionante, në  Manhattan.  Në  fakt deri  atë  ditë  ata as që e kishin parë ndonjëherë  njëri tjetrin .

Si ndodhi   kaq papritur ky afrim magnetik faqe tërë  botës? Cila është  historia pas kësaj fotografie?

Ishte  në 14 Gusht, 1945. Marinari Xhorxh Mendoza  nuk kishte shumë që ishte kthyer nga shërbimi ushtarak në  Paqsor dhe atë  ditë  kishte lënë  takimin e parë  me  një  vajzë,  e cila më  vonë  do të  bëhej gruaja  e tij. Po rëkëllente  një  shishe birrë  në banakun e një bari, në ‘Time Square’, kur papritur radiot nga të  gjitha anët lajmëruan dorëzimin e Japonisë  dhe mbarimin e luftës së  dytë  botërore. Thirrje gëzmi të  menjëhershme  shpërthyen nga godinat e dyqanet përreth.  Hare e papërshkrushme. Njerëzit dolën në rrugë. Xhorxh Mendoza po ashtu. Qe një  nga ato momente të ralla kur gëzimi ‘del nga kontrolli’. Imagjinoni një ushtar që  luftën e ka fare të  freskët dhe pikërisht atë  cast  i shfaqet përpara kjo infermiere e re e veshur me të  bardha! Qe njeriu me të cilën  e ndjeu veten më  të  afërt se me këdo tjetër. Uniformat e bardha u dhanë  të  plagosurve  të  luftës kujdesin e dashurinë e tyre.  Kishte edhe  një të tillë për të. Dhe e papritura ndodhi. As ajo vetë  (Greta Friedman) nuk e kuptoi se si e përfshinë  dy krahë  burri dhe ndjeu atë  puthje pasionante që  u  përjetsua në këtë foto bashkë me momentin historik. Ndërkohë vini re në  foto që ndërsa ndodhte puthja , pas tyre një  vajzë të re, buzagaz, është në  të  afruar . Eshtë  Rita Petri,  – vajza me të  cilin marinari kishte lënë  takim atë  ditë tek Radio City Hall.E  intervistuar  vite më  pas nëse qe bërë  xheloze tek  shihte Xhorxhin  duke puthur një  tjetër, ajo  u përgjigj: “Jo, në  atë  kohë  ne nuk njiheshim. Ai qe takimi ynë  i parë. Vetëm se  kur e kujtoj atë  skenë  më duhet ta pranoj që  Xhorxhi s’më  ka puthur mua asnjëherë  si  atë  vajzë  të  panjohur”.

Sot , ish infermierja Greta Zimmer Friedman edhe Xhorxh Mendoza janë  në  moshë  të  thyer. Atyre  u është  dhënë  rasti të  takohen disa herë  më pas , por asnjëherë  s’u lindi dëshira për të  përsëritur atë  puthje.

Pa kuptuar ajo qe shëndruar në puthje -simbol e gëzimit të mbarimit të luftës.

Kjo foto është  ruajtur ndër dekada e kundrohet si një  foto historike.  Njerëz të  ndryshëm e kanë  modifikuar foton duke shtuar veten e tyre në  bekgraundin e  saj, për të thënë që kanë qenë edhe ata në atë ditë atje, në atë vend. Por fotografia origjinale është pikërisht kjo.

(P.S. ne foton e dyte eshte Xhorxhi me te shoqen Riten , ne ditet tona)