Europa humbi Turqinë për shkak të gabimeve të saj

Evropa nuk arriti në kohë për të parë problemet e sistemit politik të Turqisë, që çuan në një grusht shteti në tentativë, dhe reagimi i vonuar nga liderët evropianë e ka larguar Ankaranë  nga bashkëpunimi me BE-në, shkruan Sekretari i Përgjithshëm i Këshillit të Evropës, Thorbjorn Jagland në Klassekampen.

Politikani pretendon se turqit janë “të zemëruar dhe të inatosur”, sepse evropianët nuk e dënuan  menjëherë grushtin e shtetit.

Sipas tij, në rastin e sulmeve terroriste në Evropë, liderët evropianë kanë deklaruar se ishte një sulm “për të gjithë ne”, ndërsa në rastin e Turqisë, në vend të mbështesnin Ankaranë, shumë dyshuan te autoritetet turke për organizimin e grushtit të shtetit.