‘Shqipëria në letërsinë e udhëtimit’ është titulli i takimit të propozuar nga Qendra e Kulturës Shqiptare në Itali dhe Pro Albania, në edicionin të dytë të veprimtarisë ‘Torino që Lexon’, që do të zhvillohet në kryeqendrën e rajonit të Piemontit nga data 18 deri në 24 Prill 2016. Nisma e organizuar nga Bashkia e Torinos dhe Forumi i Librit, në kuadër të ditës botërore të UNESCO-s kushtuar Librit dhe Leximit është konceptuar si një javë e tërë veprimtarish letrare në biblioteka, librari, shkolla e hapësira të tjera të kulturës, por edhe në metro e autobuzë, si edhe në rrugët dhe sheshet e qytetit. Shumë prej eventeve do ti kushtohen dy figurave të mëdha të letërsisë botërore, Miguel de Cervantes dhe William Shakespeare, me rastin e katërqindvjetorit të ndarjes së tyre nga jeta.

Takimi kushtuar Shqipërisë do të zhvillohet në Bibliotekën Primo Levi të Torinos në datën 19 Prill, ora 18:30. Gjatë mbrëmjes, publikut torinez do ti paraqiten librat ‘Hotel Albania’ dhe ‘Viaggio in bianco e nero’ të autorëve Francesco Vietti dhe Alessandra Altamura. Me autorët do të bashkëbisedojë mbi temën e letërsisë së udhëtimit gazetari Benko Gjata, drejtues i Qendrës Shqiptare dhe bashkëautor i udhërrëfyesit turistik ‘Tirana e Albania’, një nga librat më të shitur në Itali kushtuar vendit tonë. Veprimtaria kushtuar Shqipërisë synon, ndër të tjera, të paraqesë ofertën turistike të vendit bazuar mbi trashëgiminë e pasur kulturore dhe natyrore.

Biblioteka Primo Levi i shërben publikut të lagjes Barriera, një prej konteksteve më multietnike të Torinos dhe Italisë, shembull i bashkëjetesës dhe integrimit, si edhe model i ndërhyrjeve të suksesshme të rikualifikimit urban nga ana e Bashkisë së drejtuar nga kryetari Piero Fassino. Në Barriera shënohet gjithashtu edhe një prani e lartë e bashkësisë shqiptare. Falë projektit ‘Via Egnatia – Passaggio a Est’ të Qendrës së Kulturës Shqiptare, në këtë bibliotekë, si edhe në të gjitha selitë e tjera të bibliotekave të Torinos, gjendet prej vitesh një fond i pasur me libra në gjuhën shqipe, në dispozicion të qytetarëve dhe familjeve shqiptare që dëshirojnë të kultivojnë leximin e gjuhës së tyre amtare.

Torino është një prej qendrave kryesore europiane të librit dhe letërsisë, ku kanë selinë disa prej shtëpive kryesore botuese italiane. Qyteti organizon gjithashtu çdo vit Panairin Ndërkombëtar të Librit, eventin më të madh të këtij lloji në Itali dhe njëkohësisht një prej më të rëndësishmëve në Europë. Shqipëria dhe letërsia e saj përfaqësohen prej disa vitesh në Panair me një stendë të posaçme, të organizuar nga Qendra e Kulturës Shqiptare. Në edicionin e ardhshëm të Panairit, që do të zhvillohet në Maj të këtij viti, letërsia shqiptare do të jetë një prej protagonisteve kryesore, falë bashkëpunimit me Ministrinë shqiptare të Kulturës.

Per me shume informacion:

Qendra e Kultures Shqiptare

Via L. L. Colli, 12, Torino
Tel. +39 339.33.76.951
www.culturaalbanese.it

***

Martedì 19 Aprile 2016, dalle ore 18:30, presso la Biblioteca Primo Levi, in Via Leoncavallo, 17, a Torino, il Centro di Cultura Albanese e Viaggi Solidali presentano l’incontro ‘L’Albania nella letteratura di viaggio’. La serata, parte della rassegna ‘Torino che Legge – Settimana della Lettura’, è dedicata alla scoperta della terra albanese come meta turistica, attraverso la letteratura di viaggio dedicata al Paese. Al pubblico di Torino saranno presentati i volumi ‘Hotel Albania’, dell’antropologo Francesco Vietti e ‘Viaggio in bianco e nero’ di Alessandra Altamura. Con gli autori interviene anche Benko Gjata, presidente del Centro Albanese e co-autore con Francesco Vietti della guida turistica ‘Tirana e Albania’.