Rriten kërkesat për azil në Britani

Më shumë se 36 mijë kërkesa për azil janë bërë në Britani të Madhe në 12 muajt e fundit, sipas shifrave të Qeverisë britanike, që përbëjnë numrin më të madh të kërkesave në më shumë se një dekadë.

Në 12 muajt e fundit deri në korrik të këtij viti, 36 mijë e 465 njerëz kanë aplikuar për azil në Britani, që është një rritje prej 14% krahasuar me periudhën e njëjtë të vitit të kaluar, apo 26 mijë kërkesa për azil, transmeton Express.

Ndërsa, numri i fëmijëve të pashoqëruar që kanë kërkuar azil në Britani është rritur në 3 mijë e 472, që përbën një rritje prej 54% krahasuar me periudhën e njëjtë të vitit të kaluar.

Po ashtu, kërkesat e fëmijëve të pashoqëruar përfaqësojnë 10% të të gjitha kërkesave për azil në 12 muajt e fundit deri në muajin korrik, transmeton Express.

Hera e fundit kur Britania kishte kaq shumë kërkesa për azil ishte viti 2004, kur 39 mijë e 746 njerëz kërkuan azil.

Edhe me tutje, nga të gjitha vendet e Evropës, njerëzit vazhdojnë të kërkojnë azil në Gjermani më së shumti.