Policia Bashkiake vazhdon “aksionin” kundër shitësve ambulantë në Tiranë.

E fundit që që ka rënë preh e arrogancës dhe përzënies policore, është një grua 60-vjeçare, e cila tregtonte sende kuzhine pranë Qendrës Spitalore Universitare ‘Nënë Tereza’.

Sot, tre policët iu afruan për ta përzënë duke i marrë atë pak mall që gruaja tregtonte.

Nga videoja kuptohet që ajo përpiqet të bëjë rezistencë për të mos i lejuar, por ata tregohen të ftohtë përballë të bërtiturave të saj.