Ambasadori amerikan, Donald Lu, dhe ajo e BE, Romana Vlahutin, u janë rikthyer takimeve intensive në radhët e politikës shqiptare.

Këtë pasdite, dy ambasadorët Lu e Vlahutin kanë shkuar në Kryesinë e Kuvendit, ku po zhvillojnë një takim me kryeparlamentarin Ilir Meta.

Ndërsa, gjatë paradites, ambasadori Lu ka zhvilluar takim në selinë blu me kryeopozitarin Lulzim Basha. Këto takime kanë ardhur një ditë para seancës së jashtëzakonshme, e cila pritet të mblidhet nesër për ligjin e vettingut.