Kryetari i PD-së, Lulzim Basha, ka mbledhur sot, Grupin Parlamentar, për të rakorduar një qendrim të unifikuar në sesionin e jashtëzakonshëm të Kuvendit për miratimin e ligjit të Vetting-ut – verifikimit të gjyqtarëve dhe prokurorëve.

Burimet nga PD thanë se demokratët kanë vendosur të mos e bojkotojnë seancën, por të paraqiten dhe të mbrojnë amendamentet e paraqitura prej tyre. Sipas Bashës, mazhoranca e shkeli konsensusin, ndaj opozita do të mbrojë qendrimet e veta në Kuvend.