Diktatori i Koresë së Veriut, Kim Jon Un ka ekzekutuar dy zyrtarë të lartë të vendit. Lajmi njoftohet nga gazeta “Joong Ang Ilbo” e Koresë së Jugut, e cila ka citur dy zyrtarë të lartë që nuk i ka identifikuar.

Ndërkohë britanikja “The Independent” shkruan se viktimat janë Ri Yong Jin dhe Hwang Min.

I pari është një zyrtar i lartë i Ministrisë së Arsimit, i cili u arrestua gjatë një takimi me diktatorin pasi akuzohet për korrupsion.

I dyti është ish-ministër i Bujqësisë dhe u arrestua për shkak të një projekti që propozoi.

Projekti u konsiderua si fyerje e drejtpërdrejtë për Kim Jon Un.

Ekzekutimi i dy zyrtarëve u krye mizorisht me raketa anti-ajrore në fillim të muajit gusht. Ky nuk është rasti i parë që Kim Jon Un urdhëron ekzekutime të bashkëpunëtorëve të tij.