Plazhi i mbuluar më i madh në botë

Në Gjermani, pikërisht në Berlinin jugor, ndodhet plazhi më i madh i mbyllur në botë. Ai përfshin një hapësirë shumë të madhe me ujë dhe ambiente çlodhëse, ku mund të akomodohen njëherësh 6000 vetë.

Ndërkohë e gjithë hapësira gjallohet nga një gjelbërim i jashtëzakonshëm, pasi 50 mijë pemë dhe bimë të mbjella gjithandej, të krijojnë idenë e një pylli gjigant në formë xhungle.

E gjitha kjo parajsë tokësore është e mbuluar nga një ‘çati’ gjigante të tejdukshme, kështu që mund të shijohet dielli dhe uji pa pasur frikën e reve apo kapriçove të motit.