Një prind ka denoncuar sot, “shmangien” e vajzës së tij si fituese e Mjekësisë dhe dhënia e të drejtës së studimit për në Infermieri. Nëpërmjet denoncimit në rrjetet sociale, prindi zbulon skemën e këtij manipulimi. Ajo ka denoncuar gjithashtu edhe mungesën e informacionit dhe mundësisë për të marrë një sqarim për këtë manipulim.
Denoncimi i plotë

“Mirembrema Nisma!
Si çdo nene maturanti, edhe une sonte isha ne pritje te se drejtes se studimit te sime bije. Ime bije ka mbaruar shkollen e mesme ne kolegjin turk “Hasan Riza Pasha”, me nje mesatare 10.29. Ne tre vite shkollim, kane qene te panumerta netet e zbardhura me libra ne duar, e rezultatet kane qene tregues i kembenguljes, lodhjes, perkushtimit. Pjesemarrese ne shume aktivitete, e fituese olimpiade te biologjise te qytetit. Sonte ne jemi te zhgenjyer e shume te shqetesuar per te ardhmen e femijes tone, sepse me kete mesatare shume te larte, e me tere ate impenjim ne vite vajzes tone i kane dhene te drejten e studimit ne Fakultetin e Infermierise e jo ne te Mjekesise e ne nuk arrijme dot te kuptojme perse. Nuk arrijme ta besojme dot, na duket sikur jane tallur me mundin, lodhjen e sakrificat e tre viteve te fundit te bijes tone. Sistemi eshte totalisht i mbyllur dhe nuk te lejon te kuptosh perse.
Thjesht te thote “Kjo eshte cfare ti do besh ne jeten tende. Ne nuk na intereson fare se sa je lodhur, sa ke lexuar, sa nete pa gjume, sa olimpiada ke fituar, sa libra ke mesuar e sa ke lexuar. Merre ose rri pa shkolle. Sqarime nuk ka”.
Sinqerisht po me kujtohen te drejtat e studimit qe jepeshin ne kohen e monizmit, eshte kulmi te luhet keshtu me jeten e te rinjve, ne kete atdhe pa te ardhme, ku djersa e sakrificat e ndershme per arritje te hidhen ne koshin e plehrave pa asnje sqarim!
S. D.”.