Plaka, thotë se kjo foto mund të shihet nga shumëkush si diçka që nuk na nderon si popull, megjithatë, sipas tij, ajo është pjese e historisë sonë dhe si e tillë, ia vlen të merret në konsideratë.

Ja çka shkruan Plaka, në profilin e tij në Facebook!

“Një foto e cila me rezulton e papublikuar deri me sot, me beri jashtëzakonisht përshtypje, pasi edhe pse janë botuar tashme dossier e albume fotosh ne lidhje me frontin shqiptar të luftës italo-greke ( duke mos harruar këtu edhe kontributet e Dr. Zamperinit, që u ndodh ne ato kohe me shërbim ne zonen e Librazhdit e te Elbasanit, e te cilit mediet shqiptare i bene vend te konsiderueshëm para dy tre vjetëve), serish mbetet akoma për te rremuar. Ne dukje, ajo ngjan te jete shkëputur nga një filmim i realizuar me rastin e vizitës se Duçes ne Shqipëri, e për këtë arsye, nuk na shfaqet me një cilësi te admirueshme. Për shumëkënd, ndoshta një foto qe nuk na nderon, por ajo është pjese e historisë sonë dhe si e tille, ia vlen te merret ne konsiderate. Ndërsa foto tjetër është tashme gjerësisht e njohur pasi vjen nga faqet e botimeve te ilustruara italiane te kohës dhe nuk ka nevoje për koment. Është fakt se Mussolini nga 2 marsi deri më 21 mars 1940 u gjend ne Shqipëri duke inspektuar trupat italiane që sulmuan Greqinë. Puna e solli qe bashke me to, te kishte edhe disa trupa shqiptare, te cilët me vone dezertuan. Lajmi i vizitës së Duçes në Shqipëri u publikua vetëm më 10 maj 1941, ndërsa ai tashme kishte rreth një muaj e gjysmë qe ndodhej në Romë.

Pasi kishte shëtitur thuajse te gjithë jugun e Shqipërisë, duke kaluar neper Elbasan, Berat, Vlore, e madje deri ne Ohër, kishte pare te ndërtoheshin rruge e kish takuar gjeneralë e ushtarë, kryer vizita neper spitale e kishte qëndruar edhe vete 24 ore ne llogore për te pare nga afër frontin, më 21 mars, kryeministri fashist – i pari kryeministër i një vendi qe vizitonte Shqipërinë – u rikthye në Romë, i dëshpëruar dhe i pakënaqur me ato që pa ne frontin e luftës. Ne këtë kuadër, më date 5 mars, Ducja shkoi edhe në zonën e Devollit, ku inspektoi edhe “vullnetarët” shqiptarë, te cilët u vunë ne rresht ne një për ta pritur”.