Prokuroria ka mbyllur hetimet për gjyqtaren e Gjykatës së Lartë, Majlinda Andrea dhe i ka komunikuar asaj akuzën për korrupsion pasiv.

Ajo akuzohet se nëpërmjet bashkëshortit të saj dyshohet se ka marrë një shumë prej 50 mijë eurosh për të influencuar në vendimin, ku gjyqtarja ishte anëtare për njohjen e një sipërfaqe toke rreth 40 hektarë në zonën e Butrintit në Sarandë.

Në korrik të këtij viti organi i akuzës zbardhi skemën korruptive disa ditë pasi gjyqtarja kishte dhënë dhënë vendimin.

Deri më tani të arrestuar për këtë çështje janë edhe Ilia Çabiri, Petraq Dashi dhe Eleni Lino, ndërsa në kërkim është shpallur bashkëshorti i gjyqtares, Odise Andrea.