Sara Kapo dhe Valeri i “Big Brother” u miratuan nga vetë Lori Hoxha teksa në fillim të sezonit, u prezantuan si dyshja “e rrezikshme” e panelit të Top Show. Trashëgimtarja e Top Channel e cila po përpiqet të japë një dorë në drejtimin e televizionit, dha pëlqimin e saj për çiftin që do të ngacmonte të ftuarit e këtij formati. Por me sa duket gjërat nuk shkuan sipas programit dhe kur ka kaluar vetëm një muaj nga nisja, kjo pjesë e rëndësishme e emisionit, dështoi!

Vajza e aktores Ema Andrea e cila qethi flokët me brisk për të qenë në trend me emisionin, së bashku me Valer Kolnikajn, mësohet se janë larguar nga emisioni i drejtuar nga Alban Dudushi.

Në vend të këtyre personazheve, tashmë janë bërë publik emrat e zëvendësuesve. Nga kjo e premte, në poltronat e opinionistëve do të shohim moderatoren Albana Osmani dhe gazetarin Ervin Kurti. Mbetet për t’u parë se sa do të funksionojë kjo dyshe e re, por në çdo rast, opsionet mbeten të hapura.