Një gjykatë në Pensilvani ka dënuar një burrë me 18 muaj burgim, pasi që ky i fundit ka hakuar llogaritë e yjeve dhe u ka vjedhur foto dhe video nudo, shkruan BBC, transmeton Klan Kosova.

Ryan Collins, 36 vjeçar, ka pranuar fajësinë ndaj akuzave në maj.

Ai kishte vjedhur emrat dhe fjalëkalimet e më shumë se 600 personave.

Ai ka mashtruar viktimat e tij – duke përfshire Jennifer Lawrence, Kate Upton, Scarlett Johansson, dhe Kirsten Dunst – duke u dërguar e-mail kinse ishin nga Google ose Apple.

Collins është akuzuar për qasje në fotografi dhe video nga viti 2012 deri në 2014, mirëpo nuk është akuzuar për publikimin e tyre.