Dëshmitë e çamëve/ “Prerje kokash, nxjerrje foshnjesh nga barku, si na masakruan grekët”

Ditën e djeshme në “Opinion” u shfaqën disa dëshmi të rralla të çamëve të mbijetuar nga gjenocidi grek mbi popullsinë shqiptare-myslimane në Çamëri pas Luftës së Dytë Botërore.

Ata tregojnë se si trupat e Napoleon Zervës, kanë vrarë shqiptarë dhe kanë kryer tmerre nga më të çmendurat.

Ata tregojnë se grave shtatzëna u nxirreshin foshnjet nga barku. Një i mbijetuar tregon se si gjatë marshimit, ushtarët grekë morën një grua shtatzënë dhe ia nxorën foshnjën nga barku duke ia çarë me thikë dhe më pas ia shkelnin me këmbë teksa ajo jepte shpirt.