Carrie Underwood ka dalë e vlerësuar nga edicioni i 50-të i “CMA Awards”, çmimet për muzikën kauntri.

Prezantuesja e mbrëmjes fitoi çmimin e vokalistes më të mirë femër, duke lënë pas emra, si Kelsea Ballerini, Miranda Lambert, Maren Morris dhe Kacey Musgraves.

“Lavdi Zotit” – tha këngëtarja 33 vjeçare kur pranoi këtë vlerësim me lot në sy. Pasi më tej falenderoi familjen, këngëtarja e hitit “Dirty laundry” u emocionua gjatë fjalës së saj duke thënë me humor: “Po ndihem papritmas budallaqe”.

Underwood e ka marrë këtë çmim edhe më herët, në fillim në vitin 2006 e më pas në dy vitet pasardhëse. Këtë vit ajo ishte gjithashtu e nominuar për çmimet “Artistja e vitit”, “Albumi i vitit” dhe “Musical-i i vitit” bashkë me Keith Urban.