Presidenti francez François Hollande i ka dorëzuar sot personalisht shkrimtarit shqiptar Ismail Kadare dekoratën “Komandant i Legjionit te Nderit”, më e larta e Republikës franceze.

“Ju jeni një avokat i apasionuar i Evropës së kulturës.“, i tha presidenti François Hollande shkrimtarit Kadare në një ceremoni që organizoi në pallatin presidencial Élysée .

“Ju jeni njëherazi dhe francez, evropian në zemër dhe universal në shpirt”, tha  Hollande.

Ai e cilësoi Kadarenë si autorin e mrekullueshëm të historisë së Ballkanit.

Dekorata “Commandeur de la Légion d’honneur” është dekorata më e lartë e Republikës së Francës , e cila jepet për merita të veçanta në fusha të ndryshme.