Partia Demokratike do t’i kërkojë Gjykatës Kushtetuese ripërsëritjen e kërkesës ndaj komisionit të Venecias për opinion mbi ligjin e Vettingut, kjo për shkak të pretendimit se përkthimi zytar nuk është korrekt.

Kjo çështje është shtruar sot në mbledhjen e grupit të PD-së, ndërsa mësohet se është vënë në dijeni edhe Gjykata Kushtetuese.

Ekspertët demokratë po përgatisin dhe një shkresë zyrtare për komisionin e Venecias, ndërkohë që kanë mbetur pak ditë nga ardhja e përgjigjes së këshillimit të tyre për ligjin e Vettingut.

Ky i fundit është cilësuar kusht themelor për hapjen e negociatave me BE-në.