JLo kërkon urdhër mbrojtje

Kohët e fundit Jennifer Lopez nuk ka qenë në qendër të vëmendjes vetëm për një romancë të re, por edhe për kërkesën për një urdhër mbrojtje. Një ditë më parë, këngëtarja ka kërkuar urdhër mbrojtjeje ndaj një personi që të qëndrojë të paktën 90 metra larg saj dhe familjes së saj.

Ajo ka dorëzuar kërkesën në të cilën thuhet se Timothy McLanahan, jo vetëm e ka ndjekur atë nga Los Angeles deri në Vegas, por gjithashtu i është afruar shtëpisë së saj, duke tentuar të futet pa leje, raporton “TMZ”. Në dokumentet e dorëzuara, JLo është shprehur se ka frikë për veten dhe dy fëmijët e saj 8-vjeçarë.