Brukseli zyrtar forcon sigurinë online

Komisioni Europian ka propozuar rregulla të reja për të përforcuar sigurinë në komunikimet elektronike, rregulla që thotë gjithashtu se hapin mundësi të reja për bizneset.

Ndryshimet prekin të gjitha platformat e komunikimeve elektronike dhe digjitale, që nga ato tradicionale dhe tek platformat më të reja.

Kjo do të thotë që rregullave të reja të forta për ruajtjen e privatësisë do t’u nënshtrohen edhe Whats App, Viber, Facebook Messenger, Skype, Gmail, iMessage e të tjera shërbime të ngjashme.

Komisioni thotë se nisma ndihmon bizneset që tashme do të veprojnë sipas rregullave të njësuara në të gjitha vendet anëtare të Bashkimit Europian, ndërkohë që u lihet hapësirë në disa pika vendeve të veçanta për të përforcuar, ose lehtësuar këto masa.