Ish-juristi i CEZ: Ka nje plan per vrasjen time
Po merr dimensione të rrezikshme zbardhja e aferës së CEZ, teksa paralajmërohet se mund të ketë dhe ndonjë viktimë nga kjo aferë.
Ish-juristi i CEZ, Romeo Karaj, ka folur pas akuzave nga deputetja e PD-së, Elmazi, se ai është i çmendur dhe se ka tentuar të vrasë veten dy herë, ndaj s’duhej marrë në konsideratë deklarata e tij për CEZ.
Mirëpo Karaj thotë se kjo është shpifje dhe se PD tenton ta paraqesë atë me çrregullime mendore, duke ngritur dyshime për një skenar për eliminimin e tij.
“Shpifja se unë paskam tentuar dy herë vetëvrasjen është pjesë e një skenari për një vrasje të mundshme timen në të ardhmen, duke ngritur alibinë e vetëvrasjes.
Pra është kercënimi i radhës.
Do t’i shkoj deri ne fund kesaj cështjeje, si dhe kërkoj publikisht të zbardhë cështjen, si dhe ate te rruges DurresKukes-Morine”, thotë Karaj, tha për Shqiptarja.com.
“E kuptoj dëshirën e tyre për të më parë të çmendur, por shumë vetëm shpejt do të çmenden vetë.
Jam gati për çdo lloj ekzaminimi mjekësor. Një çmenduri e imja u bën punë shqiptarëve.
U sugjeroj edhe atyre që më kanë akuzuar që të ekzaminohen për kleptomani.
Çmenduria ime e vetme është drejtësia dhe këmbëngulja për ta vendosur atë”, shprehet Karaj.