Dosja/ Si i spastroi partia gjyqtarët që nuk ishin komunistë

Ish-drejtori i arkivës në Ministrinë e Brendshme ka paraqitur një dokument, në të cilin tregohet se si partia ka spastruar nga sistemi në vitin 1951 të gjithë ata gjyqtarë që edhe pse profesionistë nuk u lejuan të gjykonin ccështje, sepse nuk ishin komunistë.

Dervishi bën një paralelizëm me atë ccfarë po ndodh sot në sistemin e drejtësisë duke shkruar ne FB:

1951/Spastrimi i fundit i drejtësisë

Deri në vitin 1951 në Shqipëri kishin mbetur një grup fare i vogël gjyqtarësh të vjetër. Këta që prej vitit 1945 nuk gjykonin çështje politike, por vetëm çështje civile. Mirëpo në vitin 1951, në kohën kur Partia e Punës mori vendimin për spastrimin e fundit të të gjithë administratës nga “elementët e mbetur armiq”, u vendos edhe largimi i këtyre gjyqtarëve të mbetur. Gjyqtarët në fjalë ishin profesionistë, por meqë nuk ishin komuniste nuk pëlqeheshin nga regjimi në fjalë. Natyrisht në atë kohë nuk kishte as KLD dhe as KED, por kishte parti.