Kaltrina Azizi, e cila ka lindur në Bernë të Zvicrës dhe është me prejardhje nga Kosova, më 3 shkurt është graduar nga Oberi Gst Roduner (Kolonel) me titull oficer-lejtënant dhe është pranuar në korin e oficerëve nga Brigader Nageri.

Kaltrina, e cila është nga Gjilani është oficerja-lejtënant e parë e Infanteris-Forcat tokësore me origjinë shqiptare. Ajo ka absolvuar në një nga shkollat e oficerëve më të vështira fizike dhe psikike.

Kaltrina Azizi, shkruan epoka e re, flet rrjedhshëm pesë gjuhë: gjermanisht, anglisht, frëngjisht, italisht dhe shqip. Në gradimin e Kaltrina Azizit ka qenë e ftuar edhe ambasadorja e Kosovës në Zvicër, Nazane Breca.