Më 18 shkurt opozita do të mbajë protestën kundër Qeverisë Rama, ku pritet të ketë një pjesëmarrje të gjerë. Në këtë protestë mesa duket do të jetë edhe Ahmet Prençi, i cili së fundmi ka qenë drejtor në Hetimin Tatimor tek Drejtoria e Përgjithshme e Tatimeve kur drejtohej nga Briseida Shehaj. Në profilin e tij në Facebook, Ahmet Prençi ka vendosur foton e 18 shkurtit, data e protestës së Partisë Demokratike dhe partive të tjera opozitare. Gjatë qeverisjes demokratike, Ahmet Prençi u shkarkua nga Lulzim Basha si drejtor i Përgjithshëm i Policisë së Shtetit dhe u rreshtua në krah të Ramës kur ky i fundit u bë Kryeministër. Rama e emëroi drejtor të Hetimit tek Tatimet dhe më pas u largua sërish.