Një ditë e re në marrëdhëniet SHBA-Izrael

Lideri i Izraelit thotë se presidenti i SHBA-së, Donald Trump, i ka thënë atij se ka filluar një ditë e re në marrëdhëniet e SHBA-së me Izraelin.

Kryeministri izraelit, Benjamin Netanyahu, ka thënë sot para kabinetit se takimi i javës së kaluar me Trumpin në Uashington ishte historik dhe se i ka përforcuar marrëdhëniet jetë-gjatësore të të dy vendeve, transmeton Express.

Pas plot tetë viteve të marrëdhënieve idhnake me Barack Obaman, duket se Netanyahu po e shijon përqafimin e ngrohtë të Trumpit.

Trump e ka ndryshuar pozicionin e SHBA-së ndaj Qeverisë së Izraelit sa i përket qëndrimit të ashpër ndaj Iranit, krijimit të një shtetit palestinez dhe ndërtimit të vendbanimeve izraelite në Bregun e okupuar Perëndimor.

Netanjahu shtoi se ai dhe Trump flasin sy me sy për Iranin, si dhe kanë formuar ekipe për të punuar së bashku në disa çështje.

“Është një ditë e re shumë e mirë,” ka thënë ai./Gazeta Express/