Në vendlindjen e Pablo Eskobarit, një lord famëkeq i drogës nga Kolumbia, gjenden së paku tre qytete të emërtuara si “Albania”. Nëse kërkon hartat e rajoneve të shtetit të Amerikës Latine, dhe do të kërkoni me Albania, qyteti parë që do t’ju shfaqet është Albania në rajonin e quajtur La Guajira, ndërsa qyteti i dytë me emrin Albania gjendet në rajonin e Santander. Në Jug-Lindje të Kolumbisë në rajonin midis Cauca-s dhe Hula-s, disa qindra kilometra larg kryeqytetit kolumbian Bogota, ndodhet një distrikit i vogël malor, i quajtur, Albania. Distrikti Albania bënë pjesë në prefekturën “Popayán” të qytetit që mban të njëjtin emër dhe kufizohet nga qytetet e mëdha Cali, Neiva, Florencia, Tumaco e Pasto dhe është afër me kufirin e Ekuadorit.