Në ditën e 18 të protestës, ambasadori është ulur të bisedojë privatisht me Lulzim Bashën në restorantin Salt në zonën e ish bllokut. Dihet që vetingu është prioritet në listën e shqetësimeve që ka ambasada amerikane.

Ambasadori amerikan ka heshtur deri më sot për bllokimin e opozitës. Ndryshe nga disa muaj më parë, kur mbajti një qëndrim të prerë publik, deri edhe kërcënues kundër përpjekjeve të Partisë Demokratike për reformën në drejtësi, kësaj radhe Donald Lu ka zgjedhur një mënyrë më diplomatike në qasjen ndaj opozitës.