Kreu i LIBRA-s ka kritikuar sot nga salla e Kuvendit procesin e realizimit të vettingut. Ai e ka krahasur me një prapskenë të zhvilluar në vitin 2005, kur u zgjodh kryesia e re e PS. Blushi thotë se Rama e kishte harruar Mimi Kodhelin ta fuste në garë dhe e futi pa e kaluar në votim. Sipas tij, e njëjta gjë po ndodh me vettingun.

“Çdo të thotë të trukosh një garë? Në 2005 me kujtohet se po bëheshin zgjedhjet për kryesinë e re në PS, dhe në darkë përfundoi procesin ndërsa në mëngjes vjen dhe më thotë Rama që kemi harruar Mimin, dhe u fut pa u votuar në garë. I tillë është dhe procesi i vettingut ku po futen pa u votuar në garë”, tha Blushi në Kuvend.