Donjeta Deli është shqiptarja e vetme në “Miss Universe Norway”. Familja e saj është me origjinë nga Prishtina (Kosova), por vetë ka lindur dhe jeton në Norvegji. Donjeta spikat si një vajzë e hijshme që ka hyrë në gjysmëfinale, ndërsa pret që në muajin prill të shkojë akoma më lart, madje duke synuar edhe fitimin e kurorës së bukurisë. Në një intervistë ekskluzive Donjeta Deli vlerëson bukuroshet shqiptare të “Miss Kosova” dhe “Miss Earth Kosovo” duke veçuar Marigona Dragushën.

Unë jam një vajzë 19 vjeçare, me origjinë nga Kosova, por që kam lindur dhe jetoj në Norvegji. Prindërit e mia janë larguar nga vendlindja në periudhën kur vendi gjendej i pushtuar nga serbët. Ata janë larguar nga Kosova dhe janë vendosur në Norvegji duke u bërë edhe nënshtetas të këtij vendi perëndimor. Pas përfundimit të shkollës së mesme jam angazhuar me punë në një shkollë fillore.

Po është e vërtetë, por përpara këtij evenimenti të bukurisë, kam marrë pjesë edhe në vendlindjen e prindërve të mi në Kosovë në vitin 2013 në veprimtarinë “Miss World Kosovo”. Atëhere kam hyrë deri në finale duke fituar titullin “Miss Teen». Natyrisht se konkurimi në Kosovë me këtë në Norvegji është krejt ndryshe sepse ka më shumë konkurencë dhe ka gjithashtu një garë të fortë. Kur më treguan se kam hyrë në gjysmëfinalen e “Miss Universe Norway” kam mbetur e befasuar, por edhe e vlerësuar njëkohësisht. Si puna ima ka edhe mjaft konkurente të tjera të hijshme dhe të mençura, që dëshirojnë të marrin kurorën e mbretëreshës së bukurisë.

Para shumë vitesh prindërit e mi kanë emigruar nga Kosova dhe janë vendosur në Norvegji. Unë kam lindur dhe jetoj këtu në këtë vend perëndimor ku kam kryer shkollimin në të gjitha ciklet deri në shkollën e mesme.

Natyrisht që kam edhe shumë pasione të tjera, por veçoj fitnessin dhe sportet. Të dyja këto pasione janë në funksion edhe të pasionit tim të parë, konkurset e bukurisë, sepse të ndihmojnë për të mbajtur trupin në formë.

Fillimisht përshëndes të gjitha fitueset e “Miss Kosova” si Afërdita Paçarada, Blerta Syla, Diellza Kollgeci, Adelina Ismajli, Venera Mustafa, Mimoza Harxhi, Albina Hashani, Njomëza Rozhaja, Agnesa Vuthaj, Besa Gashi, Yllka Berisha, Kaqusha Thaçi, Elza Marku, Morena Taraku, Nora Asani, Ajshe Babatinca, etj si dhe bukuroshet fituese të “Miss Earth Kosovo” si Mirjeta Zeka, Teuta Hoxha, Yllka Berisha, Elsa Marku, Morena Taraku, Nora Asani, Aishe Babatinca, Donika Emini dhe Kaltrina Neziri. Femra shqiptare të bukura ka shumë, por unë do të veçoja Marigona Dragushën, “Miss Kosova 2009” që është krejt e veçantë dhe e pangjashme me të tjerat.

Figurat e shquara shqiptare janë udhërrëfyese për çdo shqiptar brenda dhe jashtë kufijve, por unë vlerësoj mbi të gjithë Nënë Terezën.  

Mesazhi im është i thjeshtë: Mos kini frikë për të realizuar atë që keni dëshirë dhe pasion, luftoni për drejtat tuaja. Gjithçka është mundur me mund, dije dhe përkushtim. Shumë me rëndësi është besimi dhe guximi në vetvete.