E veja e Arkanit kërkon arrestimin e diplomatit shqiptar

Këngëtarja serbe dhe gruaja e kriminelit Arkan, Svetlana Razhnatoviç e cila ndodhet prej disa ditësh në Maqedoni ku pritet të mbajë një koncert muzikor ka shokuar mbarë opinionin atje, ku pas një takimi me liderin e opozitës Zoran Zaev, ka kërkuar arrestimin e një diplomati shqiptar.

Mësohet se Ceca i ka dorëzuar informacione kreut të LSDM-së dhe prefektit të Strumicës për diplomatin dhe veprimtarin e kauzës shqiptare Fatlum Rushiti, i cili nxit panik në Serbi, Mal të Zi dhe Greqi.

“Shqiptaro-Amerikani Fatlum Rushiti organizon dhe koordinon aktivitete politike dhe kulturore në Nish, Preshevë, Ulqin, Podgoricë dhe Çamëri. Promovon bashkimin e kombit shqiptar. Lideri Ivica Daçiç disa herë më ka lajmëruar se Beogradi zyrtar është tepër i shqetësuar nga aktivitetet politike të Fatlum Rushitit dhe mbahet në shënjestër të autoriteteve greko-serbe. Diplomati Fatlum Rushiti i furnizon komunitetet shqiptare me literaturë, diplomaci, logjistikë, projekte ideologjike, filozofi, marketing dhe aktivitete kulturore”, shprehet tejet e revoltuar këngëtarja serbe Ceca.