Gabriel: Jam i sigurt se Macron do të bëhet presidenti i ri Francës

Ministri i Jashtëm i Gjermanisë ka mirëpritur suksesin e Macron në zgjedhje.

Sigmar Gabriel ka thënë gjatë një udhëtimi në Jordani se “unë jam i sigurt se ai do të bëhet presidenti i ri Francës”, sipas agjencisë gjermane të lajmeve DPA.

Ai thotë se Macron është “i vetmi kandidat pro-evropian që nuk u fsheh prapa paragjykimeve kundër Evropës”.

Gabrieli e ka quajtur Macron një kandidat të madh presidencial, “por edhe një person shumë i pëlqyeshëm dhe një mik i mirë”.