Basha sulmon sërish LSI: Koha e klientelizmit politik ka marrë fund, votat për LSI janë vota në gjol

Lulzim Basha ka akuzuar drejtpërdrejtë LSI si një parti klienteliste. Nga Pogradeci, kreu i PD-së deklaroi se koha e klientelizmit politik ka marrë fund dhe kërkoi që të mos çohet ”asnjë votë për ata që iu mbajnë peng’’. Kreu i PD deklaroi se vota për LSI është një votë e çuar dëm dhe se koha e pazareve politike ka marrë fund.

“Këtu në Pogradec ka qindra qytetarë që LSI i përdori si klient duke i marrë karta anëtarësimi për një vend pune. Koha e klientelizmit politik ka marrë fund! Asnjë votë për ata që duan t’ju marrin peng! Bashkohuni me republikën e re! Votat për LSI janë vota në gjol. Nuk do të ketë më pazare! Ndëshkojeni Ramen me votë dhe mos i jepni asnjë votë partive të tjera të pazarit politik! Me 25 qershor merrni Pogradecin në dorë! Ju premtoj se unë do të jem kryeministri juaj halleve tuaja, punësimit tuaj! Zoti ju bekoftë, ju Pogradecin, Shqipërinë! Ja ku e keni Klevis Balliun avokatin tuaj! Votoni numrin 6, republikën e re dhe do tu përgjigjem me punë dhe përkushtim!”, deklaroi Basha.

Please follow and like us: