Julian Deda: Kurrë nuk i kam kuptuar këto titujt e shtypit rozë, fjala “mat” na nxiu jetën

Julian Deda është shfaqur mjaft kritik në reagimin e tij të fundit në lidhje me titujt e shtypit rozë. Ai thotë se nuk i ka kuptuar kurrë titujt e tyre të të tipit “kapet mat”, “del me bikini” apo ‘kapet me të dashurin”. Deda shkruan se fjala “mat’ po na nxin jetën, ndërkohë që kujton se nuk është lajm i rëndësishëm dalja me bikini në plazh sepse plazhi nuk është për pallto.

REAGIMI:

Kurrë nuk i kam kuptuar këto titujt e shtypit rozë, të tipit: “Këngëtarja del ne bikini; Kapet mat me të dashurin në një nga plazhet e Shqipërisë. Ata së shpejti drejt altarit, ja detajet”.
Na nxiu jetën kjo fjala “mat”. Plazhi nuk është vend i vetmuar dhe ata e dinë këtë, prandaj fjala “mat” është kot. E dyta, lajm i rëndësishëm qenka se paska dalë me bikini?! Po në plazh nuk rrihet me pallto mor njerëz. Dhe “mat” i fundit ose “mat”-i debil është, se na paskërkësh qenë edhe me të dashurin, turp i madh që u kap në plazh me një djalë, me të cilin shumë shpejt na u martokërkeshin.
P.S. Po ça bëni kështu more aman? Lerini more njerëzit të shëllehen në diell, se kanë terezinë e tyre. Yyyttttttt……!