Vidhet shtëpia e ministrit, dalin thasët me para, policia fsheh ngjarjen?!

Gazeta partiake Rilindje Demokratike raporton sot për një ngjarje të rëndë kriminale, por që sipas saj po fshihet nga policia. Sipas RD-së: “Një nga shtëpitë e ministrit të afërt të Ramës, Damian Gjiknuri është vjedhur në orët e mesditës së djeshme. Shtëpia gjendet në rrugën “Fortuzi” pas Ministrisë së Drejtësisë dhe është në katin e tretë të një pallati. Hajdutët kanë hyrë në banesë nga dritarja e banjos të banesës dhe kanë nxjerr prej ande thasë me para. Policia po e fsheh këtë ngjarje”.