Mediat e huaja për Saimir Tahirin

Një ditë pas vendimit të parlamentit për të mos lejuar arrestimin e ish-ministrit të Brendshëm Saimir Tahiri nuk kanë munguar edhe komentet në mediat e huaja. “Trasitions Online” shkruan se deputetët shqiptarë e refuzuan kërkesën e prokurorisë për të arrestuar deputetin socialist duke shtuar se nuk kishte mjaftueshëm prova për ta ndaluar atë. Në shkrimin në fjalë tentohet të hidhët dritë edhe mbi shkarkimin e Tahirit si ministër të Brendshëm duke e lidhur atë me çështjen e kanabisit.
“Rama e shkarkoi Tahirin nga pozicioni i tij si ministër i Brendshëm në Mars në një rifreskim të kabinetit gjatë një krize politike përballë sulmeve të opozitës për lidhjet e qeverisë me kanabisin. Tahiri u rizgjodh deputet në qershor. Shqipëria është nën presion nga BE dhe partnerët ndërkombëtarë për të goditur kultivimin e marijuanës dhe trafiqet”,  shkruan ajo.