Dy prefektë vijnë nga drejtoria e radarëve, ja cilët janë drejtori dhe nëndrejtori

Drejtori dhe nëndrejtori i QNOD, qëndrës së komandimit të radarëve kanë marrë sot nga kryeministri Rama dy poste të rëndësishme; njëri, Maks Malaj, prefekt i Fierit dhe tjetri, Astrit Aliaj, i Gjirokastrës.

Gjatë vitit 2017 radarët u fikën dhjetra herë, për sa kohë deti ishte i qetë duke favorizuar trafikun e drogës me skafe drejt Italisë dhe ishujve grekë.

Deputeti i PD, Flamur Noka thotë se Malaj dhe Aliaj u bënë prefektë për ti mbyllur gojën atyre në lidhje me trafikun.

“Maks Malaj drejtor i QNOD dhe Astrit Alia nendrejtori i QNOD ( qendres radarve) sot u shperblyen prefekt ne Fier dhe Gjirokaster .Pse ??? Shperblim per te mbyllur gojen per trafikun e droges . Omerta- funksionon .Mbyll gojen te shperblehesh kodi i Rames”, shkruan Noka në postimin e tij në rrjetet sociale.