Rama shthuret në Kuvend, flet për “qirje” dhe “palikari”

Duke replikuar me kreun e Partisë Bashkimi për të Drejtat e Njeriut, Vangjel Dulen në parlament, Edi Rama përmendi jo pa ironi fjalët greqisht “qirje” që përkthehet “zotëri” dhe “palikari”, që përkthehet “djalë trim”.
Rama po fliste për prishjen e godinave në Himarë kur në fjalim e sipër nisi t’i thotë Vangjel Dules, “ti dhe ato qirjet e tjerë”
“Ne kemi kërkuar ndihmë juridike nga përfaqësues të nderuar të mendimit juridik që janë njësoj si ty, grekë. Dhe ka pasur një mision këtu z. Vangjeli, një mision i ardhur për të bërë mbledhjen e të gjitha fakteve dhe për të konstatuar si qëndron e vërteta. Dhe ai raporti i profesionistëve që flamurin nuk e tundin për të bërë biznes dhe as për të rrahur kë iu del përballë për të bërë karrierë, dhe ai raport thotë 100% të kundërtën e asaj që thua ti Z.Vangjeli, qirje Saliu dhe që thotë PD dje në Himarë dhe qirjet e tjera atje matanë” u shpreh Rama, duke sfiduar opozitën me këto fjalë:
“Keni bërë një hesap pa hanxhinë Z. Vangjeli. Hanxhiu është atje. Ishte në 25 Qershor dhe ktu do jemi. Jau kam thënë në 2013, jau kam thënë në 2015, jau kam thënë në 2017 po jua them sot për 2019. Ju vazhdoni bjerini gajdes, ja ku e keni gramafonin. Ai përpara, ju mbrapa, kërceni atë palikarin si quhet ajo dhe do e shikoni”
Lulzim Basha tha se kshu siç e ka nisur, Rama mund të heqë edhe çorapet në parlament.
“Kështu sic e ka nisur do të heqë edhe corapet, por e filloi duke zhveshur gojën, duke përdorur fjalë të ndyra me pretendimin se po perifrazon greqishten” u shpreh Basha, që tha se qëllimi i vetëm është të mos i përgjigjet pyetjes: A je ti Edi Rama kryeministri i një vendi që ka prodhuar 1.3 miliard euro drogë?