Spanjë, arrestohen 8 ish-ministra të Katalonjës

Tetë ministra të shkarkuar katalanas janë burgosur nga një gjyqtar spanjoll në lidhje me shpalljen e pavarësisë së rajonit nga Spanja.

Prokurorët i kishin kërkuar gjykatësit të gjykatës së lartë të burgosnin tetë nga nëntë ish-anëtarët e qeverisë që u paraqitën në një seancë pyetjesh në Madrid.

Prokurorët gjithashtu kanë kërkuar nga gjyqtari Carmen Lamela të lëshojë një urdhër arresti evropian për udhëheqësin e përmbysur katalan Carles Puigdemont.

Avokati i Puigdemont në Belgjikë, ku ka udhëtuar me katër anëtarë të kabinetit të tij të shkarkuar, tha se klima në Spanjë ishte “jo e mirë” dhe klienti i tij donte të ruante një distancë.