Belgjika grumbullon Januzajn pas një mungese të gjatë

Futbollisti shqiptar Adnan Januzaj është ftuar nga kombëtarja e Belgjikës për dy miqësoret e radhës ndaj Meksikës dhe Japonisë. Lajmin e ka bërë të ditur vet futbollisti e po ashtu edhe Kombëtarja e Belgjikës përmes faqes zyrtare. Januzaj, 22 vjeçar, këtë sezon se Real Sociedadi po kalon formë mjaft të mirë, që ka bindur trajnerin Roberto Martinez që ta ftojë për këto dy miqësore. Deri më tani Januzaj ka bërë gjashtë paraqitje për Belgjikën, duke mos shënuar asnjë gol.