Piktura e Da Vinçit gjen blerës për 450 milionë dollarë

Piktura “Salvator Mundi” e artistit të rilindjes Leonardo da Vinçi është shitur për 450 milionë dollarë në New York të mërkurën vonë në mbrëmje, duke thyer rekordin për veprat më të shtrenjta të nxjerra në ankand ndonjëherë. Rekordi i mëparshëm për një pikturë të shitur në ankand ishte “Women of Algiers” (Gratë e Algjerisë) e Pablo Picasso-s, e pikturuar në vitin 1955, e cila u shit për gati 180 milionë dollarë në vitin 2015. “Salvator Mundi” është një përshkrim i Krishtit, me një dorë të ngritur dhe një sferë qelqi në të majtën e tij. Është një nga më pak se 20 pikturat e da Vinçit që ekzistojnë. Një nga pikturat e pronarëve të parë, e krijuar diku pas vitit 1505, ishte Mbreti Charles I i Anglisë. Vepra e artit, e cila u zhduk deri në vitin 2005, më vonë u ble nga një koleksionist britanik i artit dhe u shit për vetëm 60 dollarë në vitin 1958, siç besohet gjerësisht të mos jetë origjinale e Da Vinçit.