Franca trazon Moskën me arrestimin e Karimov

Rusia e ka ftuar për bisedë një diplomat të lartë francez në Moskë, lidhur me arrestimin e pasanikut dhe ligjvënësit rus, Suleiman Karimov, në Francë, lidhur me një rast të shmangies së tatimit. Ministria e Jashtme e Rusisë ka konfirmuar se e ka ftuar të ngarkuarin me punë në Ambasadën e Francës në Moskë, lidhur me arrestimin e Kerimovit në qytetin Nicë në Francë. Kerimov, pasuria e të cilit nga Forbes vlerësohet në 6.3 miliardë dollarë, është arrestuar pardje në aeroportin e Nicës. Kerimov është përfaqësues i rajonit jugor të Dagestanit në Dhomën e Epërme të Parlamentit të Rusisë, i njohur me emrin Këshilli i Federatës. Ministria e jashtme ruse ka thënë më herët se i kishte dërguar njoftim Francës se ai ka imunitet diplomatik. Autoritetet e Francës nuk i kanë bërë publike detajet lidhur me keqbërjen potenciale të Kerimovit. Por, në raportet e mediave theksohet se ai është i dyshuar për shmangie të tatimit në shumë prej dhjetëra miliona eurosh. Arrestimi i Kerimovit ka shkaktuar tmerr në Moskë, ndërsa Kremlini ka shprehur mbështetje për ligjvënësin miliarder. “Statusi i sentaroti dhe fakti se ai është shtetas rus, është garancion se ne natyrisht do të bëjmë çdo përpjekje të mundur për t’i mbrojtur interesat e tij ligjore”, tha sot zëdhënësi i Kremlinit, Dmitry Peskov, raporton REL.