Papa Françesku: Qetësi dhe durim për çështjen e Jeruzalemit

Papa Françesku kërkoi sërish qetësi dhe durim nga të gjitha palët pas vendimit të presidentit amerikan, Donald Trump, i cili njohu Jeruzalemin si kryeqytet të Izraelit, çka do të pasohet edhe me zhvendosjen e ambasadës amerikane në Qytetin e Shenjtë.

“Ati i Shenjtë përsërit kërkesën e tij për qetësi dhe durim nga të gjitha palët”, thuhet në një komunikatë të Vatikanit.

”Të gjithë liderët politikë duhet të angazhohen për të parandaluar spiralet e dhunës në këto momente të rënda”, theksohet në të.