Përjetimi i dashurisë sipas shenjës suaj të horoskopit

Dashuria është një ndër ndjenjat më sublime që përjeton njeriu gjatë gjithë jetës. Duket sikur e gjithë jeta jonë është një udhëtim i vazhdueshëm drejt dashurisë. Dashurojnë shqisat, emocionet, por jo më pak edhe shenjat e horoskopit. Çdo shenjë dashuron në mënyrën e vet, por çfarë i bën ato të “çmenden” dhe të “lënë kokën” pas dikujt? Lexoni më poshtë si dashurohet çdo shenjë e horoskopit:

 

DASHI

Ndryshe nga shenjat e tjera, dashi ka nevojë të ndjejë shumë siguri brenda vetes para se të marrë hapin ”e madh”. Ka nevojë të njohë nga afër personin me të cilin po shoqërohet dhe vetëm atëherë merr vendimin nëse ja vlen të krijojë një lidhje dashurie apo jo.

 

 

DEMI

Demi është rasti tipik i asaj që quhet ” të biesh në dashuri kokë e këmbë”. Janë shumë pasionantë, u besojnë plotësisht emocioneve të para, rrahjeve dhe fluturave në stomak. Demi përfshihet shumë emocionalisht dhe është i gatshëm  të bëjë çmenduria në emër të dashurisë së vërtetë.

 

 

BINJAKËT

Edhe binjakët janë ndër shenjat më pasionante të horoskopit. Dashurohen në mënyrë shumë impulsive, por ndodh të zhgënjehen dhe lodhen shpejt nga partneri pasi e kanë idealizuar më tepër seç duhet. Është e çuditshme, por dashuria e vërtetë troket në jetën e binjakëve atëherë kur nuk ua merr mendja.

 

GAFORRJA

Gaforret e ka shumë frikë dashurinë, pasi nuk dëshiron për asnjë arsye në botë t’i prishet qetësia dhe komoditeti me të cilin janë mësuar. Por ajo që i tremb më shumë është frika nga zhgënjimi dhe lëndimi. Janë shumë të ndjeshëm dhe u pëlqen të vendosen në pozicion pritës.

 

LUANI

Shenja e Luanit e ka në karakter të ndihet i/e dëshiruar nga të tjerët dhe do t’i bëjë të gjithë të çmenden pas tij/saj. Prandaj edhe kur dashurohen ata nuk mund ta pranojnë lehtësisht dhe hapur këtë fakt dhe bëjnë çmos që të jetë pikërisht partneri ai që do dashurohet me ta dhe do t’ju bëjë i pari propozimin.

 

VIRGJËRESHA

Të lindurit e shenjës së virgjëreshës e analizojnë mirë personin që ju pëlqen dhe nëse ai/ajo i përshtatet standarteve dhe idealeve të krijuara në imagjinatën e tyre, atëherë ata lidhen me dashurinë e tyre deri në fund të jetës. Por nësë virgjëresha kupton se personi me të cilin janë dashuruar është larg pritshmërive, e largojnë menjëherë nga vetja pa u penduar.

 

PESHORJA

Peshoret janë romantikë të lindur, u pëlqejnë darkat me qirinj, trëndafilat e kuq, shëtitjet buzë detit dhe deklaratat e bukura. Duket sikur dashurohen me vetë dashurinë dhe jo me partnerin. Tregohen të pavendosur fillimisht kur bëhet fjalë të fillojnë një lidhje serioze pasi u tremben impenjimeve serioze. Por nëse kanë sigurinë e partnerit mund t’ia dalin gjithçkaje.
AKREPI: Për akrepat vlen përjetësisht shprehja ”do të të dua deri në vdekje”. Për ta dashuria është një dhe e vetme e nëse e gjejnë nuk e lëshojnë më kurrë. Janë besnikë, të ëmbël dhe shumë pasionantë.
SHIGJETARI

Shenja e shigjetarit është gjithnjë në kërkim të dashurisë ideale. Që në fëmijëri frymëzohet nga modeli i përrallave dhe dëshiron që marrëdhënia e tij/saj t’i ngjajë një të tille. Besojnë tek ideja e shpirtit binjak. Për shigjetarin në luftë dhe në dashuri lejohet gjithçka.
BRICJAPI

Shenja e Bricjapit nuk dashurohet kurrsesi “me shkim të parë”, po ashtu si shumë gjëra në jetë përpiqet që edhe dashurinë ta kontrollojë dhe ta planifikojë. Shigjetari bën një listë të detajuar të të gjitha cilësive që duhet të ketë partneri ideal dhe nëse dikush i ka ato cilësi, atëherë i lejon vetes të ndihet më i/e lirë dhe të dashurohet “kokë e këmbë” më personin “e duhur”.
UJORI

Ujori arrin të gjejë dashurinë në çdo gjë, qoftë në detajet të cilat nuk i vë re askush. Natyra e tij selektive mund ta bëjë që të duket moskokëçarës në pamje të parë, por ky imazh zhduket pas ca kohësh. Janë miq dhe bashkëpunëtorë me partnerin.
PESHQIT

Peshqit janë ndër ato shenja të cilët janë gjithnjë në kërkim të dashurisë pasi pa dashuri ata ndihen në kuptimin e mirëfilltë të fjalës “si peshku pa ujë”. Por dashuria për ta nuk është diçka që zgjat gjithë jetën, është më tepër pasion.