IRAN: Shefi i Gjyqësorit urdhëron shtypjen e protestuesve

Të trembur nga përshkallëzimi i protestave anti-regjim në mbarë vendin, kreu i gjyqësorit të regjimit iranian Sadegh Amoli Larijani tha: “I kërkoj të gjithë prokurorëve në të gjithë vendin të përfshihen …. Dhe qasja e tyre duhet të jetë e fortë. ” Ai i bëri thirrje institucioneve represive të zbatimit të ligjit dhe autoriteteve gjyqësore të regjimit për t’u marrë  me çështjen e “protestuesve”. (Rrjeti i lajmeve, Televizioni Shtetëror, 1 janar 2018)

Ndërsa i quante torturuesit dhe agjentët civilë të regjimit si njerëz me vizion, ai tha: “Njerëzit me vizion dhe që përkrahin Vali-e faqih do të përgjigjen me vendosmëri siç bënë në vitin 2009”.

Me këto fjalë, Larijani nënkuptonte dërgimin e protestuesve në burgjet Evin, Gohardasht dhe Kahrizak dhe ndërtesat e sigurisë të MOIS dhe inteligjencës IRGC ku të rinjtë e arrestuar u torturuan, përdhunuan dhe ekzekutuan. Komentet e tij bëhen në kohën kur populli i Iranit është i vendosur të vazhdojë kryengritjen e tij deri në fitore.

Deri më tani, më shumë se 1000 demonstrues janë arrestuar dhe të paktën 10 janë vrarë. Pa dyshim, Khamenei, Rouhani, Larijani dhe udhëheqësit e tjerë të regjimit do të jenë përgjegjës për këto krime.

Rezistenca iraniane i bën thirrje Këshillit të Sigurimit të OKB-së, Bashkimit Evropian, Shteteve të Bashkuara, Bashkësisë Ndërkombëtare dhe organeve ndërkombëtare të të drejtave të njeriut që të marrin masa efektive për të parandaluar shtypjen masive të demonstruesve dhe për lirimin e shpejtë të të burgosurve.

Sekretariati i Këshillit Kombëtar të Rezistencës së Iranit