+18/Fqinjët lakuriq të katundit anglez
Gjithkush mund të mendojë se ky është një fshat normal periferie, nëse e sheh nga larg.
Por brenda shtëpive të mirëmbajtura të këtij fshati anglez dhe në ambientet e tjera publike, banorët jetojnë ndryshe.
Njerëzit e Spielplazt në Bricket Wood kanë formuar një nga të paktët fshatra nudo në vend, pasi kanë 85 vite që jetojnë të zhveshur aty.
Jeta e tyre është ekspozuar në një dokumentar të titulluar “Fqinjët nudistë”.
Mes atyre që jetojnë në Spielplatz- që në gjermanisht do të thotë park lojërash- është edhe Iseult Richardson, 82 vjeç, babai i së cilës e themeloi këtë komunitet në vitin 1929.
“Nuk ka ndonjë ndryshim mes natyristëve dhe atyre që jetojnë në rrugë,” insiston ajo.
“Ne jetojmë një jetë normale këtu, por jemi me fat që jetojmë në këtë vend të jashtëzakonshëm”.
Pronat në këtë fshat janë kryesisht bungalous me nga dy dhoma gjumi, të cilat kushtojnë 85 mijë sterlina.
Megjithëse banorët preferojnë të jetojnë të zhveshur, disa punë i bëjmë me rroba në trup, si punët në kopsht.
Por kur shkojnë në lokalin e fshatit, për të notuar apo për të ngrënë, ata janë komplet të zhveshur.
Një grua tregoi në fillim të këtij viti se si jeta në këtë fshat e kishte ndihmuar që të zgjidhte problemet e vetëbesimit.
