Studentët e Drejtësisë, marshim i heshtur për Arielën në Tiranë

Disa qindra studentë të Fakultetit të Drejtësisë do të përfshihen sot në Tiranë në një marshim të heshtur nga Fakulteti deri në vendin ku u vra mikja e tyre, shoqja e shkollës, Ariela Murati.

Sipas njoftimit të bërë nga studentët marshimi nis në orën 10.00 paradite dhe nismëtarë të tij janë studentët e vitit të tretë, vit në të cilën ishte edhe Ariela e ndjerë.