Maryam Rajavi në Asamblenë Parlamentare të Këshillit Evropian në Strasburg

Znj. Maryam Rajavi, Presidentja e zgjedhur e Këshillit Kombëtar të Rezistencës së Iranit (NCRI), mori pjesë dhe foli në takimet zyrtare të Partisë Popullore Evropiane (PPE), Aleancës së Liberalëve dhe Demokratëve për Europën (ALDE) dhe të Majtës së Bashkuar Europiane (UEL) në Asamblenë Parlamentare të Këshillit të Evropës (PACE) në Strasburg, të mërkurën, më 24 janar 2018. Ajo shtjelloi zhvillimet më të fundit të kryengritjes së popullit iranian kundër qeverisë fashiste fetare në Iran dhe iu përgjigj pyetjeve të anëtarëve të PACE.

Vizita e zonjës Rajavi u bë me ftesë të grupeve politike të PACE. Në përfundim të të tri mbledhjeve, ajo mori pjesë në një konferencë për shtyp ku morën pjesë një numër anëtarësh të PACE dhe ku  informoi publikun me një përmbledhje të bisedimeve të saj në tre mbledhjet

Në këto takime, zonja Rajavi i kërkoi Këshillit të Evropës dhe shteteve anëtare të miratojnë masa efektive dhe vendime detyruese për të detyruar diktaturën fetare që sundon Iranin për të liruar të burgosurit e kryengritjes, për të mbështetur lirinë e shprehjes dhe të asociimit, për t’i dhënë fund represionit dhe për të hequr velin e detyrueshëm.

Ajo deklaroi: “Tridhjetë e nëntë vjet gjakderdhje dhe krime, diskriminim dhe nënshtrim të grave, represion dhe censurë mjaftojnë. Komuniteti Ndërkombëtar duhet t’i japë fund heshtjes dhe mosveprimit të tij. ”

Zonja Rajavi shtoi, “Irani është një fuçi baruti dhe protestat vazhdojnë të ndodhin në të gjithë vendin. Regjimi është i zhytur në krizë. Korrupsioni është pjesë e pandashme e tij. Në muajin e kaluar, vlera e monedhës zyrtare të vendit ka rënë 15 përqind. Regjimi është i destinuar të rrëzohet dhe populli iranian është i vendosur të vazhdojë përpjekjet e tij për t’i dhënë fund sundimit të diktaturës fetare dhe për të vendosur lirinë “.

Në një pjesë tjetër të vërejtjeve të saj, znj. Rajavi vuri në dukje, “Në rrethana të tilla, në emër të popullit iranian dhe Rezistencës iraniane, i bëj thirrje Këshillit të Evropës, Bashkimit Evropian dhe shteteve anëtare të tij dhe Kombeve të Bashkuara që të mbështesin popullin e Iranit dhe jo regjimin teokratik të mullahëve. Regjimi duhet të kuptojë se do të paguajë një çmim të lartë për hapjen e zjarrit mbi demonstruesit dhe vrasjen e tyre nën torturë “.

Zonja Rajavi përsëriti: “Kryengritja mbarëkombëtare e popullit iranian ka treguar se fashizmi fetar që sundon në Iran nuk është legjitim dhe nuk ka asnjë perspektivë për mbijetesë në të ardhmen. Investimi për këtë regjim është i destinuar të dështojë. Të gjitha marrëdhëniet diplomatike dhe ekonomike me regjimin iranian duhet të ndalen. Krerët e Iranit duhet të përballen me sanksione gjithëpërfshirëse për dekada të krimeve kundër njerëzimit. Ekonomia e Iranit është e përqendruar në selinë e Khameneit dhe në duart e IRGC. Të bësh biznes me këtë regjim vetëm ushqen makinën e tij të vrasjes dhe eksportimin e luftës dhe terrorizmit “.