Ekstradimi i Nazer Seitit, ministri i Drejtësisë italiane falenderon autoritetet shqiptare

Ministri i Drejtësisë italiane, Andrea Orlando ka reaguar për ekstradimin e Nazer Seititi, i konsideruar si financues i grupit të Habilajve.

Që në nisje të reagimit të tij, zyrtari i lartë ka shprehur falenderime për autoritetet shqiptare, të cilat sipas tij iu përgjigjën kërkesës për ekstradim.

“Falenderoj autoritetet shqiptare të cilat ju përgjigjen menjëherë, kërkesës për ekstradim të shtetasit shqiptar SEITI Nazer, i kërkuar nga autoritetet gjyqësore italiane në kuadër të një hetimi të rëndësishëm ndaj një organizate kriminale që vepronte në fushën e narkotrafikut, në linjat italo-shqiptare”, ka thënë Orlando.