Arabia Saudite ka lëshuar një listë me 50 emra që prindërit e rinj nuk duhet t’i vënë fëmijëve të tyre. Në këtë listë përfshihen emra si Linda, Lauren, Sandy dhe Amir. Ministria e Brendshme e këtij vendi justifikoi këtë vendim duke thënë që këto emra binin ndesh me kulturën dhe fenë e vendit ose ishin të papërshtatshëm. Sipas ‘Gulf News’, këto emra ndahen në 3 kategori: emrat që prekin ndjeshmërinë fetare, emra që kanë lidhje me mbretërinë dhe emra me origjinë jo islamike. Por, ka edhe nga ato emra arabë që nuk jepet shpjegim pse nuk lejohen. Ja disa prej tyre: Malaak (engjëll), Amir (princ) apo Tabarak (i bekuar).