Alesia Bami tregon sa paguhet për reklama

Ajo spikati që në moshën 14 vjeç në “Miss Univers Albania” ku u vlerësua me 3 çmime. Bëhet fjalë për balerinën Alesia Bami. Ajo u pa fillimisht si velinë tek “Telebingo”, por prej fillimit të sezonit 18-vjeçarja kërcen si balerinë profesioniste në emisionin “Stop”.

Ajo është komplimentuar shpesh për linjat trupore, por njëkohësisht edhe është kritikuar për përdorim të photoshopit në fotot e saj. Në një intervistë për “Jo vetëm modë”, Bami nuk kursehet as për pyetjet më private.

Bami tha po ashtu se surpriza më e bukur që i kanë bërë ka qenë ditëlindja e saj ku tha se kishte marrë dhurata shumë të shtrenjta. Ajo tregoi edhe se për një reklamë paguhet nga 200 deri në 1000 euro.